Bugun...
Dolar: 3.8718
Euro : 4.5662

Konuk Yazar


Gülnare SADİQ


Facebookta Paylaş









Aciz kişinin sonsuz qadını… (esse) GÜLNARƏ Sadiq
Tarih: 16-11-2015 13:18:00 Güncelleme: 16-11-2015 13:18:00


Əvvəllər nənəm deyərdi ki, kişilik at belində tüfəng oynatmaqla, göstərilən qəhrəmanlıqlarla, hər yerdə qazanılan hörmətlə ölçülərdi. Hətta sadə kənd uşaqları var imiş ki, bəy balaları onların kişiliyini nümunə gətirərmiş. O zamanlar sonsuz sözünü yalnız uşaqsızlara deyirlərmiş. Hətta sonsuz – uşaqsız adamların qəlblərinə dəymirdilər ki, tək adamdı, nə edərsə, etsin, fikir verməyin. Hə, bir də evdə qalmış qızlar var idi ki, səksən yaşa çatdıqlarına baxmayaraq, hər gecə AĞ GƏLİNLİK xəyalı ilə yatırlarmış…
 Zaman keçdi, nənəmin dünyasında yaşayanların yarısı öldü, yarısı qocaldı. Onlar aradan çıxan kimi dünyanın içində başqa bir dünya yarandı. İndi at belində qəhrəmanlıq göstərənlərə kişi demirlər. İndi məzlumun kürəyində at oynadanlara kişi deyirlər. Və ən əsası da budur ki, bunların dünyalarında yaşayan qadınları ya xəyanət edir, ya da qucağı uşaqlı sonsuz qadına çevrilirlər. Bir maraqlı nüans da var ki, indiki dünyada evdə qalmış qızların yerini boşanmış cavan gəlinlər alıb. Elə bunların da çoxu qucağı uşaqlı sonsuzlardı. Çünki bunlar ərə gedib, yuva qurmaq istəyəndə qucaqlarındakı uşağı ya zibil qabına, ya məscidə, ya da ki, – bəzən bir az “ağıllı”ları isə uşaq evlərinə qoyub gedirlər. Beləcə də uşaqlı sonsuzların sayı evdə qalmış qızların sayını ötüb-keçib. İnsanlar böyüdükcə ümidlər kiçilib. Amma əvvəllər belə deyildi. Kiçik insanların böyük ümidləri də var idi. Qaraçı uşaqları kimi biz də standartlığa öyrəşmişik. Çünki onlar da bir məqsədlə yaşayır. Biz isə bir şey üçün yaşayırıq – ölməmək üçün hər gün ölümə bir addım gedirik. Böyüdükcə dərk edirik. Dərk etdikcə isə dünya əzilir gözümüzün önündə. Ən son da isə yaxşı nələrisə etməyə qərar verdiyimizdə bir də gözümüzü açırıq ki, hardasa qaranlıq, dar, soyuq bir yerdəyik. Bu yer o qədər kiçikdir ki, o yan-bu yana çevrilə də bilmirik. Və yanımızda heç kim yoxdu…
 Nənəmin dünyası çox fərqli idi. Hərdən nənəm deyərdi: “Ay bala, kişi tez öldü getdi. Qaldım altı yetimlə 28 yaşımda dul. Səhərlər bazara qatıq, süd, əkdiyim göy-göyərtini aparıb satır, uşaqları dolandırırdım…
 Hər gün peçin (sobanın) hisini üzümə çəkirdim ki, yad kişilər üzümə baxmasın.”
 İndi isə belə şeylərə gülürlər…”
 Nə isə, qayıdım mətləbə – ACİZ KİŞİNİN SONSUZ QADININA! Təsəvvür edin – kişilərin acizliyi, hətta qadınların nəslini azaldır. Əsil qadınlar azalır, onların yerinə “makina” tipli qadın cildində olan məxluqlar gəlir. Bu “qadın”lar asanlıqla yalan danışır, asanlıqla xəyanət edir, asanlıqla bir neçə dəfə rəsmi və ya qeyri-rəsmi ərə gedirlər. Bunların çoxu ana olan zaman dünyaya bir İNSAN gətirdiklərinin fərqinə varmırlar. Ya onları da özləri kimi yetişdirir, ya da ora-bura atırlar…
 Bu gün Uşaq evinə ziyarətə getmişdim. Belə bir qadın sifətli məxluqun dünyaya gətirdiyi yeddi yaşlı İNSAN heç vaxt üzünü görmədiyi “ana”sına yazdığı məktub isə məni xeyli düşündürdü. Məktubda deyilir: ”Ana, mən səni çox istəyirəm. Nolar, həmişə gəlməsən də, heç olmasa şənbə günləri məni apar. Mən səni görmək istəyirəm. Atamı da tanıyırsan? Tanıyırsansa ona da de ki, mən atamı da çox istəyirəm”. Bəli, görəsən, həqiqətən də o qadın sifətli makina bu uşağın atasını tanıyır? Məncə, tanımır. Bəli, baxın bu qadın sifətli “makina” “ana”nı cəhənnəmə daimi qeydiyyata saldırıb, sığortaladan da elə ACİZ KİŞİDİ.
 Ya da ki, evinin xanımı olmağa çalışan, özünü hər addımda kişiyə daha çox sevdirməyə çalışan qadınlar? Bunların da içində sonsuz qadın varmı? Cavabı: Bəli, var! Həm də bu qadınlar bayaqkı “makina” qadınlardan qat-qat çoxdu. Bu qadınların həm fiziki əməyindən, həm mənəvi dünyasından, həm analığından, həm də ki, cismindən sui-istifadə edilir. Ən dəhşətlisi də budur ki, kənardan qazanılan əsəblərini də gətirib bu qadınların üstünə tökürlər. Lap Aygün adlı bir məhbus qadının yaşadıqları kimi. Aygün 18 yaşında ərə getmişdi. 19 yaşında ana olmuşdu. Amma ACİZ KİŞİ olan əri başqa qadın sifətli “makina”lardan əl çəkə bilməmişdi. Hətta iş o yerə gəlmişdi ki, həmin makinaları Aygünün də yaşadığı evə gətirirmiş. Aygünü döyüb zirzəmiyə salıb, özləri isə onun gəlin gəldiyi yataq otağında dincəlirlərmiş. Bir gün isə Aygün son qərarını verdi. Zirzəminin qapısını birtəhər açıb, baltanı götürüb ərini də, onunla dincələn iki qadın sifətli “makina”nı da parça-parça etdi. Sonra isə ACİZ KİŞİDƏN dünyaya gətirdiyi uşağı anasına təhvil verib polisə təslim oldu. Ağır cinayətlər məhkəməsi Aygünə ömürlük həbs – qəti imkan tədbiri gördü. Bəli, Aygün də ACİZ KİŞİNİN SONSUZ QADININA çevrildi. Mən ümumilikdə əxlaqsız qadın anlayışını qəbul etməkdənsə, ACİZ KİŞİNİN SONSUZ QADINI anlayışını qəbul etmək istəyirəm. Çünki əsl kişinin qadını da elə əsl qadın olar…
 



Bu yazı 1985 defa okunmuştur.

FACEBOOK YORUM
Yorum

YAZARIN DİĞER YAZILARI

ÇOK OKUNAN HABERLER
  • BUGÜN
  • BU HAFTA
  • BU AY
952 Okunma
397 Okunma
240 Okunma
235 Okunma
206 Okunma
202 Okunma
197 Okunma
196 Okunma
189 Okunma
188 Okunma
1042 Okunma
952 Okunma
831 Okunma
806 Okunma
534 Okunma
509 Okunma
452 Okunma
446 Okunma
445 Okunma
426 Okunma
YAZARLAR
SON YORUMLANANLAR
FOTO GALERİ
  • Şehit abisi Yarbay'ın terörüe isyanı
    Şehit abisi Yarbay'ın terörüe isyanı
  • Teknoloji harikası binalar
    Teknoloji harikası binalar
  • Paylasmak Güzeldir
    Paylasmak Güzeldir
  • Ana kucağı
    Ana kucağı
  • Bebişler
    Bebişler
  • Yurdum İnsanı
    Yurdum İnsanı
  1. Şehit abisi Yarbay'ın terörüe isyanı
  2. Teknoloji harikası binalar
  3. Paylasmak Güzeldir
  4. Ana kucağı
  5. Bebişler
  6. Yurdum İnsanı
FOTO GALERİ
VİDEO GALERİ
  • Günahlarından dolayı ümitsiz olmak
    Günahlarından dolayı ümitsiz olmak
  • Kanaat etmek bir hazinedir
    Kanaat etmek bir hazinedir
  • helal kazanmanın üstünlükleri
    helal kazanmanın üstünlükleri
  • Topraktan hep güzel şeyler biter
    Topraktan hep güzel şeyler biter
  • Mevlid okumanın faydaları
    Mevlid okumanın faydaları
  • Mevlid merasimleri
    Mevlid merasimleri
  1. Günahlarından dolayı ümitsiz olmak
  2. Kanaat etmek bir hazinedir
  3. helal kazanmanın üstünlükleri
  4. Topraktan hep güzel şeyler biter
  5. Mevlid okumanın faydaları
  6. Mevlid merasimleri
VİDEO GALERİ
YUKARI